सप्तरी, १३ मङ्सिर । नेपाली सेनाको बम डिस्पोजल टोलीले पूर्व–पश्चिम राजमार्गअन्तर्गत सप्तरीको पोर्ताहा र बरमझियाको बीचमा पर्ने महुली पुल ध्वस्त पार्ने गरी अज्ञात समूहले राखेको दुईवटा सिलिन्डर बम आज निष्क्रिय पारेको छ ।
आज बिहान पुलमुनि शङ्कास्पद अवस्थामा राखिएको दुईवटा सिलिन्डर बम राजविराजस्थित कृष्ण दल गणबाट गएको नेपाली सेनाले निष्क्रिय पारेको हो । दुईवटा ग्यासको सिलिन्डरलाई बोरामा राखी मट्टीतेल र पेट्रोल छर्केर २५ मिटर डोरीमा आगो लगाई पुलमा क्षति गर्ने उद्देश्यले राखेको अवस्थामा बम फेला परेको थियो ।
सशस्त्र प्रहरी बल दन्तकालीन गण बरमझियादेखि ५०० मिटर दक्षिण राजमार्गमा पर्ने मोहली पुलमुनि सिलिन्डर बम फेला परेको थियो । रासस
No comments:
Post a Comment