आगलागीमा एकै परिवारको तीन जनाको मृत्यु

कंचनपुर, १६ मंसिर । पुनरवास नगरपालिका–१ शिवमंदिर टोल बस्ने सरिता खड्काको घरमा मंगलबार राति चुलोबाट आगो सल्किदाँ तीनजना बच्चाको जलेर मृत्यु भएको छ ।
आगलागीमा परेर खड्काको  ११ बर्षीय छोरा अर्जुन खडका, छोरीहरु ८ बर्षीया किरण खड्का र ५ बर्षीया श्रीया खड्का मृत्यु भएको हो ।
इलाका प्रहरी कार्यालय त्रिभुवबस्तीबाट खटिएको प्रहरी टोलीले सरिता खड्का र उनको एउटा बच्चालाई सकुसल उद्धार गरेको थियो ।
आगलागीबाट घर पूर्ण रुपमा जली नष्ट भएको छ । आगलागी स्थानीय बासिन्दाको सहयोगमा प्रहरीले नियन्त्रण गर्नुको साथै आवश्यक अनुसन्धान गरिरहेको छ ।