जनकपुर घटना लोकतान्त्रिक प्रणाली विपरीत –उपप्रधानमन्त्री रावल

धनगढी, २ पुस । उपप्रधानमन्त्री भीमबहादुर रावलले राष्ट्रपतिको जनकपुर भ्रमणका क्रममा बाधा अवरोध पु¥याउन गरिएको क्रियाकलाप लोकतान्त्रिक प्रणाली र सामान्य मर्यादाविपरीतको भएको बताउनुभएको छ ।
नेकपा (एमाले) कैलालीद्वारा आज यहाँ आयोजित पत्रकार सम्मेलनमा एमाले उपाध्यक्षसमेत रहनुभएका उपप्रधान मन्त्री रावलले जनकपुरमा भएको अमर्यादित काम रोक्न गृह प्रशासन प्रयाप्त रहेकाले सेनाको जरुरत नपरेको उल्लेख गर्नुुभयो ।
उहाँले पूर्वका सप्तरी सिरहाका बासिन्दाले भनेअनुसार पश्चिमका प्रदेशको सीमाङ्कन संशोधन नहुने स्पष्ट पार्नुभयो ।
राजनीतिक र कानुनीरुपमा गएको संविधानसभाको चुनावको अभिमत नै जनमत सङ्ग्रह भएकाले प्रदेशको सीमाङ्कनका सवालमा जनमत सङ्ग्रहमा जानुनपर्ने उहाँको भनाइ थियो । रासस