धन कमाउन विदेशमा गा’को
पाइयो दुःख कसैले नपा’को
सरर बसको झ्यालैमा
हाँसीमुख देऊ बिदा पियारी घर छोडेर जानी बेलैमा
लोप हुने अवस्थामा पुगेको सारङ्गीको धुनसँगै नेपाल पर्यटन बोर्डको सभाहलमा आज यो गीत गुन्जियो । दशौँँ सारङ्गी दिवसका अवसरमा गोरखाका डम्बर गन्धर्वले यो गीत सुरू गरेसँगै दाङ, तनहुँ र लम्जुङका गन्धर्व समुदायले सारङ्गीको ¥याइँ¥याइँमा अन्य दुःख सुखका गीत गाउनुभयो ।
दिवसका अवसरमा गन्धर्व सांस्कृतिक कला सङ्गठनले आयोजना गरेको गन्धर्व समुदायको सांस्कृतिक कार्यक्रममा कलाकारले लोप हुने अवस्थामा पुगेको सारङ्गी र सारङ्गीको धुनसँगै दजनौँ गीत गाउनुभयो ।
सोही अवसरमा गन्धर्व समुदायले फागुन १ गतेको दिनलाई सरकारले नै सारङ्गी दिवस घोषणा गरेर मनाउनुपर्ने माग गरे । लोप हुने अवस्थामा पुगेको गन्धर्व समुदायको सारङ्गी बजाउने पेसालाई राज्यले बेवास्ता गरेको उनीहरूको भनाइ छ । “वल्लो गाउँको समाचार गीत र सारङ्गीमार्फत पल्लो गाउँमा पु¥याउने, गन्धर्व समुदायको साङ्गी बजाउने पेसा आजकाल सङ्कलमा परेको छ, त्यसलाई राज्यले नै सम्मान र सम्वद्र्धन गर्नुपर्छ”– दिवसका संयोजक रूबिन गन्धर्वले भन्नुभयो ।
गन्धर्व समाज नेपालका अध्यक्ष पुजन गन्धर्व र जागरण मिडिया सेन्टरका अध्यक्ष रेम विश्वकर्माले गन्धर्व समुदायको अधिकारका लागि त्यो समुदायले मात्र भन्दा पनि अन्य समुदायको साथ सहयोगको आवश्यकता औँल्याउनुभयो । रासस
No comments:
Post a Comment