रौतहट, १४ फागुन । वर्षौंदेखि समस्या भोग्दै आएका मिठुअवा गाविस आसपासका बासिन्दालाई आवागमनमा सहजता दिलाउने उद्देश्यले बिहीबार पक्की पुल शिलान्यास गरिएको छ । सो पुलको शिलान्यास स्थानीय विकास अधिकारी बन्दना झाले गर्नुभयो ।
जिल्ला विकास समिति रौतहटको आर्थिक सहयोगमा यस जिल्लाको मध्यभागमा रहेको मिठुअवा गाउँको बीचभाग हुँदै बगेको झाँझ नदीमा पक्की पुल निर्माण गर्न लागिएको हो ।
विशेषगरी वर्षायामको समयमा आवागमनमा समस्या भोग्दै आएका स्थानीयवासीलाई आवागमनमा सहजता दिलाउने उद्देश्यले निर्माण गर्न लागिएको उक्त पुल रु ५६ लाखको लागतमा निर्माण गरिने छ ।
जिविसको सहयोगमा हेल्प नेपाल, गौरले स्थानीय उपभोक्तामार्फत पुल निर्माण गर्न लागेको संस्थाका अध्यक्ष रामप्रताप यादवले बताउनुभयो ।
फागुन मसान्तसम्ममा निर्माण सम्पन्न हुने उक्त पुलको निर्माणकार्यपछि हजारौँ जनता लाभान्वित हुने विश्वास लिइएको छ । रासस
No comments:
Post a Comment