पोखरा, ३ चैत । प्रधानमन्त्री केपी शर्मा ओलीले पत्रकारको पेसागत सुरक्षा र संरक्षणमा सरकारले विशेषरुपमा ध्यान दिने बताउनुभएको छ ।
नेपाल पत्रकार महासङ्घ कास्की शाखाको नवनिर्मित वहुउद्देश्यीय भवनको आज यहाँ उद्घाटन गर्दै उहाँले पत्रकार कठिन अवस्थामा रहँदारहँदै पनि स्रोत र साधन जुटाएर आप्mनै कार्यालय भवन बनाउनु ठूलो उपलब्धि भएको टिप्पणी गर्नुभयो ।
आपूmले तीन वर्षसम्म पोखरामै जेल जीवन बिताएको स्मरण गर्दै यहाँका धेरै साथीहरुले आपूmलाई सहयोग गरेकाले पोखरामा आफ्नो भावनात्मक सम्बन्ध रहेको उहाँको भनाइ थियो ।
प्रधानमन्त्री ओलीले धेरै वर्षदेखि अघि बढ्न नसकेको पोखरा अन्तर्राष्ट्रिय विमानस्थल निर्माण कार्य अब छिट्टै अघि बढ्ने र यसको शिलान्यास आपूmले चाँडै गर्ने जानकारी गराउनुभयो ।
सो अवसरमा प्रधानमन्त्री ओली र सूचना तथा सञ्चारमन्त्री शेरधन राईले पत्रकार महासङघको भवन निर्माणमा रु २५ हजारभन्दा माथि सहयोग गर्ने सहयोगदातालाई दोसल्ला ओढाई सम्मान गर्नुभयो ।
महासङ्घको सो भवन पोखरामा रहेका ५०० भन्दा बढी सङ्घसंस्था र व्यक्तिको सहयोगमा रु एक करोड ६० लाखको लागतमा सम्पन्न भएको हो ।
भवनको लागि सबैभन्दा धेरै पोखरा उपमहानगरपालिकाले रु ३५ लाख २२ हजार, लक्ष्मी हाउसले र १६ लाख ५१ हजार, सूचना तथा सञ्चार मन्त्रालयले रु १४ लाख सहयोग गरेको महासङ्घ कास्कीका सचिव त्रिभुवन पौडेलले जानकारी गराउनुभयो ।
सो अवसरमा नेपाल पत्रकार महासङ्घका अध्यक्ष डा महेन्द्र विष्टले पत्रकार महासङ्घ अहिले पूर्वाधार विकासको चरणमा रहेको बताउनुभयो ।
सो अवसरमा प्रधानमन्त्री ओलीले नेपाल पत्रकार महासङ्घद्वारा सञ्चालित तथा स्व टङ्कदेवी कोइराला परिवारद्वारा स्थापित ‘टङ्कदेवी कोइराला स्मृति पत्रकारिता पुरस्कार’ यस वर्ष रिपोर्टर्स क्लबका अध्यक्ष ऋृषि धमलालाई प्रदान गर्नुभयो ।
पुरस्कारको राशि रु २० हजार एक रहेको छ । पुरस्कार ग्रहणसँगै धमलाले पुरस्कार राशिमा रु २५ हजार आफ्नो तर्पmबाट थप गरी नेपाल पत्रकार महासङ्घ धादिङको भवन निर्माण गर्न महासङ्घका अध्यक्ष डा विष्टलाई हस्तान्तरण गर्नुभएको थियो । रासस
No comments:
Post a Comment