काठमाडौँ, २६ वैशाख । सरकारले प्रत्येक प्रदेशमा एक÷एकवटा नमुना शान्ति तथा सांस्कृतिक ग्राम स्थापना गर्ने भएको छ ।
राष्ट्रपति विद्यादेवी भण्डारीले आज व्यवस्थापिका–संसद्मा प्रस्तुत गर्नुभएको आव २०७३÷७४ को नीति तथा कार्यक्रममा मुलुकमा दिगो शान्ति र विकासका लागि ती ग्राम स्थापना गर्न लागेको उल्लेख छ ।
मुलुकको सांस्कृतिक विविधताको संरक्षण र प्रवद्र्धन गर्दै विभिन्न जातजाति तथा भाषाभाषीको रहनसहन, रीतिरिवाज, भाषा, साहित्य र परम्परासमेत झल्कने गरी काठमाडौँ उपत्यकामा राष्ट्रिय सांस्कृतिक सङ्ग्रहालय निर्माण गरिनेछ ।
पूर्ण धार्मिक समानता र स्वतन्त्रता कायम राख्नका लागि परम्परादेखि कायम रहेको सनातन धर्म र संस्कृतिको संरक्षण गर्ने नीति तथा कार्यक्रममा उल्लेख छ ।
नारायणहिटी सङ्ग्रहालयलाई नेपालको ऐतिहासिक सङ्ग्रहालयका रुपमा विकास गरिने नीति तथा कार्यक्रममा समावेश छ । रासस
No comments:
Post a Comment