मलेखु (धादिङ), २५ साउन । पृथ्वीराजमार्गअन्तर्गत बेनीघाट गाविसको मालिङ्गामा माइक्रोबसले मोटरसाइकललाई ठक्कर दिँदा मोटरसाइकलमा सवार दुई जनाको आज मृत्यु भएको छ ।
काठमाडौँबाट मुग्लिनतर्फ जाँदै गरेको बा७३प ८६९२ नंको मोटरसाइकललाई काठमाडौँबाट चितवनतर्फ जाँदै गरेको ना५ख ७२७८ नंको माइक्रोबसले ठक्कर दिएको इलाका प्रहरी कार्यालय गजुरीले जनाएको छ ।
दुर्घटनामा मोटरसाइकल चालक स्याङ्जा घर भएका २४ वर्षीय सोनम केसीको घटनास्थलमा नै मृत्यु भएको तथा मोटरसाइकलको पछाडि बसेका गुल्मीका २५ वर्षीय विकास अर्यालकोे उपचारका क्रममा मृत्यु भएको प्रहरीले जनाएको छ । रासस
No comments:
Post a Comment