बिहानै बस त्रिशुलीमा खस्यो, २० जनाको मृत्यु

चितवन, १० भदौ । आज बिहानै नारायणगढ मुग्लिङ सडक अन्र्तगत त्रिशुली नदीमा बस खसेको छ ।
रौतहटबाट पोखराका लागि  छुटेको यात्रुबाहक बस बिहान मुग्लिन नजिकै दुर्घटनामा भएर नदीमा खसेको प्रहरीले जनाएको छ । दुर्घटनामा २० जनाको मृत्यु भएको छ । १२ जना घाइते भएको प्रहरीले जनाएको छ ।
मृतकको पहिचान खुल्न सकेको छैन ।  लोकसेवा आयोगको परीक्षा दिनका लागि पोखरा जादै गरेका धेरै विद्यार्थी दुर्घटनामा परेका छन् । ३६ सिटको बस हिजो बेलुका ५ बजे गौरबाट छुटेको थियो । एक जना बटुवाले बस खसेको जानकारी गराएपछि प्रहरी पुगेको थियो । बस मुग्लीनको कालीखोला क्षेत्रबाट त्रिशुली नदीमा खसेर डुबेको छ ।
बसमा कम्तिमा ४० यात्रु रहेको प्रहरीले जनाएको छ । नेपाली सेना, सशस्त्र र नेपाल प्रहरीको टोली घटनास्थलमा उद्धारमा खटिएका छन् । यसैबिच प्रधानमन्त्री पुष्पकमल दाहालले दुर्घटना प्रति दुख व्यक्त गर्नुभएको छ । उहाँले घाईतको उद्धार र उपचार तथा हराइरहेकाहरुको खोजविन लागि प्रशासनलाई निर्देशन  पनि दिनुभएको छ ।

No related posts.