पूर्वमहाधिवेशन प्रतिनिधि तेलीको निधनप्रति दुःख व्यक्त

काठमाडौँ, ३ भदौ । नेपाली काँग्रेसका पूर्व महाधिवेशन प्रतिनिधि एवम् प्रजातन्त्र सेनानी रौतहट जिल्ला निवासी मगनी साह तेलीको ७६ वर्षका उमेरमा आज निधन भएको छ ।

तेलीले नेपालमा लोकतन्त्र स्थापना र पुनःस्थापनामा सक्रिय भूमिका निर्वाह गर्नुभएको थियो । लोकतान्त्रिक सङ्घर्षका क्रममा साहले १० वर्षभन्दा बढी समय कारागार जीवन व्यतीत गर्नुभएको थियो ।

उहाँको निधनप्रति नेपाली काँग्रेसका सभापति शेरबहादुर देउवाले दुःख व्यक्त गर्दै प्रजातन्त्रका सेनानी मगनी साहको निधनले पार्टीलाई अपूरणीय क्षति पुगेको बताउनुभएको पार्टी मुख्य सचिव कृष्णप्रसाद पौडेलद्वारा आज जारी विज्ञप्तिमा उल्लेख छ । रासस

No related posts.