काठमाडौँ २५ पुुस । नेपाली काँग्रेसका महामन्त्री डा शशाङ्क कोइरालाले संविधान संशोधन गरेर आर्थिक विकास गर्नु नै अहिलेको आवश्यकता भएको बताउनुभएको छ ।
ब्रिटिश गोरखा नेपाली परिषद्ले यहाँ आज आयोजना गरेको ‘समृद्ध राष्ट्र निर्माणमा गोरखाको योगदान’ विषयक अन्तत्र्रिmयामा उहाँले मुलुकमा देखिएको राजनीतिक समस्याको निकासका लागि संविधान संशोधन गर्नु नै एक मात्र विकल्प छ भन्नुभयो ।
महामन्त्री डा कोइरालाले संविधान निर्माणका वेला प्रमुख राजनीतिक दलबीच देखिएको एकता, सहकार्य र समन्वयलाई संविधान कार्यान्वयनका वेला पनि देखाउनुपर्नेमा जोडदिदैं संविधान कार्यान्वयन गरेर मुलुकलाई आर्थिक समृद्धिको बाटोमा लैजाने बेला भएकाले अब ढिला नगरी दलहरु निर्वाचनमा केन्द्रित हुनुपर्ने बताउनुभयो ।
नेकपा (एमाले)का नेता रवीन्द्र अधिकारीले मुलुकलाई आर्थिक विकासमा लैजानका लागि निर्वाचन आवश्यक रहेको बताउँदै वार्ता र छलफलबाट अहिलेको समस्या समाधान गर्नुपर्नेमा जोड दिनुभयो ।
परिषद्की अध्यक्ष सुविन लिम्बू, नेपाली काँग्रेसका नेता गुरुराज घिमिरे र माओवादी केन्द्रका नेता सुरेश आलेमगरलगायतले मुलुकलाई निकास दिनका लागि सबै राजनीतिक दल एक ठाउँमा उभिनुपर्ने बताउनुभयो । रासस
No related posts.
No comments:
Post a Comment