मेलम्ची, २४ पुस । सिन्धुपाल्चोकको मेलम्ची नगरपालिका–४ का ५३ वर्षीय जगन्नाथ चौलागाईं घर नजिकै मृत फेला परेका छन् ।
घरबाट धारामा पानी लगाउन भनी हिँडेका चौलागाईं राति अबेरसम्म घर नफर्किएपछि खोजी गर्दै जाँदा भदौरेस्थित वीरबहादुर वाइबाको बारीमा मृत अवस्थामा फेला परेको इलाका प्रहरी कार्यालय मेलम्चीले जनाएको छ ।
सामान्य ठाउँबाट लडेर मृत्यु भएको देखिए पनि कसैले हत्या गरेर फालेको वा सामान्य मृत्यु नै हो भन्नेबारे थप अनुसन्धान भइरहेको प्रहरीले जनाएको छ ।
मृतक चौलागाईंको शरीरमा कुनै घाउचोट नदेखिए पनि अनुहारमा गम्भीर चोट देखिएको छ । चौलागाईको शव शनिबारै क्षेत्रीय अस्पताल मेलम्चीमा परीक्षणपछि दाहसंस्कार गरिएको छ । रासस
No comments:
Post a Comment