छाना हावाले उडाएपछि अध्ययन प्रभावित

सल्यान, २३ जेठ । गए राति आएको हावाहुरीले शिशु जागरण माविको छाना उडाएपछि अध्ययन अध्यापन प्रभावित भएको छ ।
वागचौर नगरपालिका–९ मा रहेको विद्यालय भवनको छाना उडाएपछि परेको अविरल वर्षाका कारण पढाइ प्रभावित भएको प्रअ केवलराम डाँगीले जानकारी दिनुभयो ।
हावाले विद्यालयको छानामा राखिएको दुई हजार चार सय वाटको सोलार प्यानल तथाविद्यालयमा रहेका अन्य विद्युतीय सामाग्रीमा समेत क्षति पुग्दा करिब रु पाँच लाखको नोक्सान पुगेको छ । गए रातिदेखि नै लगातार वर्षा भइरहेकाले पनि भवनबाट विद्युतीय सामग्री बाहिर निकाल्न कठिनाइ भएको उहाँको भनाइ छ । विद्यालय हावाले उडाएपछि कक्षा ९ र १० का विद्यार्थीलाई समस्या भएको छ । रासस

No related posts.