काठमाडौँ, ३ साउन । प्रधानमन्त्री शेरबहादुर देउवासँग नेपाल भ्रमणमा रहनुभएका जापानका वातावरण राज्यमन्त्री तादाहिको इतोले शिष्टाचार भेटवार्ता गर्नुभएको छ ।
प्रधानमन्त्री कार्यालय सिहदरबारमा भएको भेटमा प्रधानमन्त्री देउवाले पुनःनिर्माणमा र भौतिक पूर्वाधार निर्माणमा जापान सरकारले गरेको सहयोगका लागि धन्यवाद व्यक्त गर्नुभएको थियो ।
प्रधानमन्त्री देउवाले नेपाल र जापानबीचको ६० वर्ष लामो कूटनीतिक सम्बन्धबारे चर्चा गर्दै सम्बन्ध अझै प्रगाढ हुँदै गएको बताउनुभएको प्रधानमन्त्रीको सचिवालयले जनाएको छ ।
भेटमा जापानी राज्यमन्त्री इतोले भूकम्पपछिको नेपालले पुनः निर्माणमा राम्रो व्यवस्थापन गर्न सफल भएको भन्दै प्रशंसा गर्नुभयो । उहाँले जलवायु परिवर्तनले पारेको असरका सम्बन्धमा चासो व्यक्त गर्दै नेपालले यस विषयमा ध्यान दिनुपर्ने सुझाव दिनुभयो । इतो नेपालको दुईदिने औपचारिक भ्रमणका क्रममा आज नेपाल आइपुग्नुभएको हो । रासस
No comments:
Post a Comment