पोखरा। यस वर्षको राष्ट्रिय सम्पदा मानव अधिकार पुरस्कार अधिकारकर्मी खगराज आचार्यलाई दिइने भएको छ ।
राष्ट्रिय सम्पदा तथा जनअधिकार संरक्षण समितिद्वारा सञ्चालित तथा नागरिक समाजका संयोजक रामबहादुर पौडेलबाट स्थापित सो पुरस्कारको राशि रु १० हजार र ताम्रपत्र रहेको छ ।
अधिवक्ता तिलक पराजुलीको संयोजकत्वमा गठन गरिएको सात सदस्यीय पुरस्कार छनोट समितिको सिफारिसमा आचार्यलाई सो पुरस्कार दिने निर्णय गरिएको संस्थाकी अध्यक्ष शशी तुलाचनले जानकारी दिनुभयो ।
नागरिक समाजका संयोजक पौडेलले रु एक लाख एक हजार १११ अक्षयकोष राखी सो पुरस्कार स्थापना गरिदिनुभएको र सो पुरस्कार मानव अधिकारको क्षेत्रमा कार्यरत व्यक्तिलाई प्रत्येक २÷२ वर्षमा दिइँदै आएको छ ।
यसअघि उक्त पुरस्कारबाट नवलपरासी जिल्लामा कार्यरत अधिकारकर्मी कैलाश ठाकुरलाई दिइएको थियो ।
पुरस्कार विश्व मानव अधिकार दिवसको दिन मंसिर २४ गते एक कार्यक्रमबीच वितरण गरिने संस्थाका महासचिव विष्णुहरि अधिकारीले बताउनुभयो ।
No comments:
Post a Comment