ठक्करबाट महिलाको मृत्यु

हेटौँडा, ११ कात्तिक । सिमराबाट पोखरातर्फ आइरहेको ना ५ ख १५२३ नम्बरको यात्रुबाहक बसले हेटौँडास्थित बसपार्कमा आज अपराह्न ठक्कर दिँदा एक पैदलयात्रुको घटनास्थलमै मृत्यु भएको छ ।

मृत्यु हुनेमा मकवानपुरको भैँसे गाविस–४ निवासी ३४ वर्षीया राममाया लामा रहेको जिल्ला प्रहरी कार्यालय मकवानपुरले जनाएको छ । ठक्कर दिने बस र चालकलाई प्रहरीले नियन्त्रणमा लिएको छ । रासस