‘संविधान संशोधन प्रक्रिया अघि बढाउनुपर्ने’

पाँचथर, १४ मङ्सिर । नेपाली काँग्रेसका नेता नरहरि आचार्यले मुलकको आन्तरिक समस्या हल गर्नु नै अहिलेको उत्तम विकल्प रहेको बताउनुभएको छ ।

फिदिममा आज सञ्चारकर्मीसँग कुराकानी गर्दे उहाँले संविधानप्रति असन्तुष्ट दलसँग संवाद गर्दै संविधान संशोधन प्रक्रिया अघि बढाउनुपर्ने बताउनुभयो । संविधान गतिशिल दस्तावेज भएको उल्लेख गर्दै उहाँले समयको गतिशीलतासँगै संशोधन गर्न सकिने बताउनुभयो ।

उहाँले संविधान संशोधन प्रक्रिया यथाशक्य अघि बढाउनुपर्नेमा जोड दिनुभयो । छ महिनाभित्र सङ्घीय आयोग गठन भइसक्ने र त्यसले सीमाकङ्नको विषयलाई एक वर्षभित्रमा टुङ्ग्याइसक्ने उहाँको भनाइ थियो । रासस