त्रिशूली (नुवाकोट), ११ मङ्सिर । पूर्व मन्त्री एवम् नेकपा (एमाले)का पोलिटब्युरो सदस्य महेन्द्रबहादुर पाण्डेले भारतको नाकाबन्दीविरुद्ध सबै नेपाली एकजुट हुनुपर्ने बताउनुभएको छ ।
आज बागेश्वरी गाविसमा नेकपा (एमाले) बागेश्वरी गाउँ कमिटीले आयोजना गरेको कार्यकर्ता भेलामा नेता पाण्डेले भारतले आफ्नो स्वार्थ पूरा गर्न गरेको नाकाबन्दीको नेपाली जनताले डटेर सामना गरिरहेका छन् भन्नुभयो ।
एमाले केन्द्रीय सदस्य ईश्वरी रिजालले सरकारले भारतको नाकाबन्दीविरुद्ध कूटनीतिक तबरबाट काम भइरहेको बताउनुभयो ।
कार्यक्रममा नेकपा (एमाले) नुवाकोटका अध्यक्ष नारायणप्रसाद खतिवडा, उपाध्यक्ष विन्दा ढुङ्गाना, बद्री मैनालीलगायतका नेताहरुले मन्तव्य राख्नुभएको थियो । रासस
No comments:
Post a Comment