काठमाडौँ, ८ पुस । उमेरले पाका कलाकार पुरन खड्का कलाकारिता क्षेत्रमा आफूलाई भर्खरका सम्झन्छन् ।
ललितकला पत्रकार समाजले उनीसँग आज यहाँ गरेको साक्षात्कारमा कलाकार खड्काले आफूलाई कला यात्रा सुरु भएपछि नै आफ्नो पुर्नजन्म भएको बताउनु भयो । अछाममा जन्मिएका कलाकार खड्का आफ्नो जीवनको ६० वर्षमा हिँडिरहेका छन् ।
बौद्धस्थित होटल हायतमा रहेको तारागाउँ सङ्ग्रहालयमा उनको एकल चित्रकला प्रदर्शनी भइरहेको छ ।
यही पुस १ गतेदेखि सुरु भएको सो प्रदर्शनी पुस १६ गतेसम्म चल्नेछ ।
कक्षा ६ मा पढ्दादेखि नै कलाकारितामा विशेष रुचि राख्दै आएका कलाकार खड्काले विगत १५ वर्षदेखि अमूर्त चित्रकलामा दख्खल रहेको बताउनु भयो ।
‘सम्पूर्णता’ नाम दिइएको उनको चित्रकलामा सेतो, रातो, कालो र खैरो रङ्गले प्राथमिकता पाएको छ । “सेतो र कालो रङ्ग जीवनको अर्को पाटो हो”– उहाँले भन्नु भयो– “हरेक मानिसको जीवनमा सकारात्मक र नकारात्मक पक्ष हुन्छ । जसलाई मैले सेतो र कालो रङ्गमा समेटेको छु ।”रासस
No comments:
Post a Comment