काठमाडाँै, ५ पुस । उपप्रधान एवम् परराष्ट्रमन्त्री कमल थापाले चीन सरकारको निमन्त्रणामा यही पुस ९ देखि १४ सम्म जनगणतन्त्र चीनको औपचारिक भ्रमण गर्नुहुने भएको छ ।
उपप्रधानमन्त्री थापा नेपाली प्रतिनिधिमण्डलको नेतृत्व गर्दै यही पुस ८ गते चीनको राजधानी बेइजिङ प्रस्थान गर्नुहुने परराष्ट्र मन्त्रालयद्वारा आज जारी विज्ञप्तिमा जनाइएको छ ।
भ्रमणका क्रममा उपप्रधानमन्त्री थापाले यही पुस १० गते चिनियाँ विदेशमन्त्री वाङ विसँग भेटवार्ता गर्नुहुने र सो क्रममा दुई पक्षीय हितका बारेमा छलफल हुने छ । भ्रमणका क्रममा उहाँले चिनियाँ उच्च राजनीतिक नेतृत्वसँग पनि भेटघाट गर्नुुहुने कार्यक्रम रहेको मन्त्रालयले जनाएको छ । रासस
No comments:
Post a Comment