बैतडी, ३ पुस । जिल्लामा पहिलो पटक मादक पदार्थ सेवन गरी सवारी साधन दुर्घटना गराउने एक चालकलाई कारागार सजाय भएको छ ।
बैतडी ग्वाल्लेक–४ का गोपालदत्त जोशीले मापसे गरी सवारी साधन दुर्घटना गराएको प्रमाणित भएपछि जिल्ला अदालत बैतडीले आज दुई महिना कारागार सजाय र रु दुई हजार जरिवानाको फैसला सुनाएको हो ।
जिल्लामै पहिलो पटक मापसे गरी सवारी दुर्घटना गराउने चालकलाई कारागार सजाय भएको हो । मापसे गरेका चालक जोशीले चलाएको से १ ज ३७३ नंं को जिप गत कात्तिक २३ गते देहिमाडौँबाट गिरेगडा जाने क्रममा ग्वाल्लेक–२ ठूलसैनमा दुर्घटना हुँदा दुई जनाको ज्यान जानाका साथै १० जना घाइते भएका थिए । रासस
No comments:
Post a Comment