काठमाडौँ, २ पुस । बुधबार राष्ट्रपति विद्यादेवी भण्डारीको जनकपुर भ्रमणका क्रममा आन्दोलनरत मधेसी मोर्चाका कार्यकर्ताले राष्ट्रपतिलाई लक्षित गरी ढुङ्गामुढा प्रहार गरेको र पेट्रोल बम फालेको घटनाको मानव अधिकार तथा शान्ति समाजले निन्दा गरेको छ ।
हिंसात्मक प्रवृत्तिको प्रदर्शन लोकतान्त्रिक मूल्य र आचरण विपरीत छ र सभ्य समाजका लागि अस्वीकार्य छ”– समाजका महासचिव उत्तम पुडासैनीद्वारा आज जारी विज्ञप्तिमा उल्लेख गरिएको छ ।
त्यसैगरी शान्ति समाजले बुधबार बिहान ललितपुरको भँैसेपाटीस्थित डिक्स होमको टावरमा नेकपा माओवादी (चन्द नेतृत्व) द्वारा पेट्रोल छर्केर आगजनी गराएको घटनाको समेत निन्दा गरेको छ ।
सोही दिन राजविराजमा मधेसी मोर्चाले राष्ट्रिय पत्रपत्रिका बिक्री वितरणमा रोक लगाएको घटनाप्रति पनि निन्दा गरेको छ ।
माथिका प्रवृत्ति अतिवादका उदाहरण हुन र त्यस्तो प्रवृत्ति स्वतन्त्रताको विरूद्ध छ, स्वतन्त्रता विरूद्ध गतिविधि नगर्न शान्ति समाज सम्बद्ध पक्षलाई आग्रह गर्दछ, विज्ञप्तिमा भनिएको छ । रासस
No comments:
Post a Comment