काठमाडाँै, ६ पुस । नेपाल कम्युनिस्ट पार्टी (माक्र्सवादी–लेनिनवादी)ले यही पुस १ गते विवाह पञ्चमीका दिन जानकी मन्दिरमा राष्ट्राध्यक्षको रुपमा परम्परागत विवाह महोत्सवको गरिमा बढाउने गरी भएको राष्ट्रपति उपस्थितिलाई लाञ्छित गर्ने गरी मधेसी मोर्चाका कार्यकर्ताद्वारा गरिएका गतिविधि र अशोभनीय अभिव्यक्तिको भत्र्सना गरेको छ ।
सो पार्टीद्वारा आज एक प्रेस वक्तव्य जारी गरी “दोषीउपर कानुनबमोजिम कारबाही गर्ने” नेपाल सरकारको भनाइलाई शीघ्रातिशीघ्र कार्यान्वयन गर्न सरकारसँग माग गरिएको छ ।
पार्टीले त्यस्ता मध्ययुगिन, सामन्ती एवम् अमानवीय, सभ्यता विरोधी सोच र कृत्यलाई नेपाली समाजबाट सदाको निम्ति समाप्त गर्नु आजको टड्कारो आवश्यकता हो भन्ने कुराप्रति सचेतन र प्रभावकारी कदम चाल्न सबैमा आह्वान गरेको छ । रासस
No comments:
Post a Comment