इलाम, ६ पुस । नेकपा (एमाले) का वरिष्ठ नेता झलनाथ खनालले अन्तुडाँडालाई विश्व समुदायको ध्यान केन्द्रित गरेर पर्यटन व्यवसायलाई अघि बढाउने हो भने जिल्लाको आर्थिक विकासले ठूलो फड्को मार्ने बताउनुभएको छ ।
इलामको प्रमुख पर्यटकीयस्थल श्रीअन्तु र समालबुङ गाविसको बीचमा पर्ने अन्तुडाँडामा नवनिर्मित भ्युटावरको आज उद्घाटन गर्दै उहाँले नेपालमा सयौंँको सङ्ख्यामा रहेका पर्यटकीयस्थलको प्रचारप्रसार गरेमा बाह्य पर्यटक धेरै आउने र पर्यटन प्रवद्र्धनमा टेवा पुग्ने बताउनुभयो ।
मेची पहाडी क्षेत्र पर्यटन प्रवद्र्धन विकास समितिको रु ३५ लाखको लागतमा भ्युटावर बनेको हो । पर्यटक आकर्षणका लागि पर्यटन केन्द्र अन्तर्गत भ्युटावर, कोसेली घर, उद्यान, शौचालयलगायत निर्माण भएको समितिका कार्यकारी निर्देशक केशव द्यौरालीले जानकारी दिनुभयो । रासस
No comments:
Post a Comment