काठमाडौंँ, २ पुस । प्रेस काउन्सिल नेपालले ‘न्युज २४’ टेलिभिजनलाई यही मङ्सिर २७ प्रसारित सामग्रीसहित उपस्थित हुन आज निर्देशन दिएको छ ।
काउन्सिलले अनुगमनका क्रममा उक्त टिभीबाट सो दिन बेलुका ९ः०५ बजे ‘उज्यालो’ कार्यक्रम मार्फत प्रसारित सामग्रीले सामाजिक सद्भाव र जातजातिबीचको सुसम्बन्धमा खलल पु¥याएको देखिएको आज प्रकाशित विज्ञप्तिमा जनाएको छ ।
सो टेलिभिजनले पत्रकार आचारसंहिता–०६० (संशोधित तथा परिमार्जित–०६४) विपरीत समाचार सामग्री प्रसारण गरेको देखिएको जनाई काउन्सिलले तीन दिनभित्र उपस्थित हुन निर्देशन दिएको अध्यक्ष बोर्णबहादुर कार्कीद्वारा जारी विज्ञप्तिमा जनाइएको छ । रासस
No comments:
Post a Comment