पोखरा, ११ माघ । युवा सङ्घ नेपालले सङ्घद्वारा मधेसमा जारी अभियान सामाजिक सद््भाव र एकताका लागि भएको जनाएको छ ।
युवा सङ्घ नेपाल गण्डकी अञ्चल कमिटीद्वारा आज यहाँ आयोजित पत्रकार भेटघाट कार्यक्रममा सङ्घका अध्यक्ष राजीव पहारीले नयाँ संविधानका उपलब्धिबारे जानकारी गराउने र संविधानका सम्बन्धमा व्याप्त भ्रम हटाउँदै समग्र राष्ट्रको एकता र सद्भावका लागि अभियान सञ्चालन गरिएको जानकारी दिनुभयो ।
अभियान कसैको प्रतिरोधका लागि नभएको स्पष्ट पार्दै अध्यक्ष पहारीले भन्नुभयो–“अभियानले राष्ट्रलाई जटिलताबाट पार लगाउन महत्वपूर्ण सहयोग पु¥याउँछ र मधेसमा सचेतना अभिवृद्धिका लागि यो उपयोगी बन्दछ ।”
सङ्घले मधेसमा जागरण अभियानअन्तर्गत निरन्तर कार्यक्रम गर्दै आएकामा रङ्गेलीको कार्यक्रम पनि पूर्ववत् रुपमा तय भएको गरिएको उहाँको भनाइ छ ।
रङ्गेलीमा शान्तिपूर्ण कार्यक्रमलाई बिथोल्न प्रयास गरिएपश्चात भएको घटना दुखःद भएको उल्लेख गर्दै उहाँले कार्यक्रम गर्न सर्वदलीय सहमति समेत भइसकेको अवस्थामा शान्तिपूर्ण कार्यक्रमलाई अनाहकमा बिथोल्ने प्रयास भएको बताउनुभयो ।
मधेस समस्याको समाधानका साथै देशमा व्याप्त कालोबजारी, अनियमितताका सम्बन्धमा सङ्घले सरकारको ध्यानाकर्षण गराएको अध्यक्ष पहारीले बताउनुभयो ।
कार्यक्रममा सङ्घका अञ्चल अध्यक्ष नवराज ओझा, उपाध्यक्ष महेन्द्र गुरुङ र कोषध्यक्ष थमनारायण ढकाललगायतले सामाजिक र सद्भाव र एकताका लागि मधेसमा सङ्घले सञ्चालन गरेको अभियानले संविधानका सम्बन्धमा पारिएका भ्रम चिर्दै दलहरूबीचको सम्बाद र समस्याको समाधानमा सहयोग पुग्ने अपेक्षा गरिएको बताउनुभयो । रासस
No comments:
Post a Comment