पाल्पा, ९ माघ । नेकपा (एमाले)का पोलिटब्युरो सदस्य डा विजय पौडेलले मधेसमा जारी आन्दोलन आन्तरिक रुपमा नउठेकाले भित्रीरुपमा सरकारले समस्या समाधान गर्न गाह्रो भएको बताउनुभएको छ ।
प्रेस चौतारी पाल्पा शाखाले आज तानसेनमा आयोजना गरेको पत्रकार भेटघाट कार्यक्रममा नेता पौडेलले ठोस मुद्दा नउठाएकाले समस्या समाधानमा समस्या पैदा भएको बताउनुभयो । मधेसमा जारी आन्दोलन मधेसी जनताको हितविपरीत भएकाले मधेसमा बस्ने जनता सचेत हुन आग्रह गर्नुभयो ।
डा पौडेलले आफूलाई मात्र मधेसी ठान्ने प्रवृत्ति नै गलत भएको बताउनुभयो । मधेस दुई प्रदेश हुनुपर्ने कारण के के हुन सक्छन् ? दुई प्रदेशभन्दा पनि बढी प्रदेश मधेस हुन सक्ने उहाँको भनाइ रहेको छ । सरकारले संविधान कार्यान्वयनमा सहयोग गर्नुपर्ने धारणा राख्नुभएको थियो ।
उत्तरतिरका नाका खोलेपछि मात्र भारतले नाका सहज बताउने बताउँदै उहाँले अब चीनसँग नाका खोल्न सबै लाग्नुपर्ने बताउनुभयो ।
सरकारले कालोबजारी गर्नेहरुलाई कडा कारबाही गरेर जनतालाई सहज रुपमा आपूर्ति व्यवस्था मिलाउनुपर्नेसमेत उहाँको भनाइ रहेको छ । रासस
No comments:
Post a Comment