गोरुको आक्रमणबाट महिलाको ज्यान गयो

पाँचथर, ९ माघ । गोरुको आक्रमणबाट पाँचथरको सीमावर्ती गाविस प्राङ्बुङ–२ की एक महिलाको आज ज्यान गएको छ ।
धनेश्याम राईकी श्रीमती ६५ वर्षीय चन्द्रमायाँ राईको गोरुको आक्रमणबाट ज्यान गएको जिल्ला प्रहरी कार्यालयका प्रहरी निरीक्षक विजय श्रेष्ठले जानकारी दिनुभयो ।
घाँस ल्याउन गएका बेला गोरुको आक्रमणमा परी उनको मृत्यु भएको प्रहरीले जनाएको छ । रासस