असहाय वृद्धवृद्धालाई कपडा तथा खाद्यान्न वितरण

काठमाडौँ, १६ माघ । टोखा नगरपालिका–१३ गोँगबुस्थित हिमालय वृद्धाश्रमका वृद्धवृद्धालाई आज न्यानो कपडा तथा खाद्यान्न वितरण गरिएको छ ।
लायन्स क्लब इन्टरनेशनल डिष्ट्रिक ३२५ बी २ अन्र्तगत काठमाडौँ भ्यालीबेष्ट, कामना र सुकर्मद्वारा संयुक्तरुपमा वृद्धाश्रमका २३ जना वृद्धवृद्धालाई न्यानो कपडा तथा खाद्यान्न वितरण गरिएको हो । यसअघि पनि क्लबले यस वृद्धाश्रममा विभिन्न सहयोग गर्दै आएको छ ।
सो अवसरमा डिष्ट्रिक क्याबिनेट टे«जरर आर.एस. महतो, लायन्स क्लब इन्टरनेशनल डिष्ट्रिक ३२५ बी २ का एम्बेस्डर अफ गर्भनर हरिगोबिन्द महर्जन, लायन्स क्लब अफ कामनाकी सीप विकास प्रमुख संयोजक लक्ष्मी महर्जनलगायतले वृद्धवृद्धालाई आज न्यानो कपडा तथा खाद्यान्न वितरण गर्नुभएको थियो ।
आफ्नो परिवार वा आफन्त नभएका असहाय वृद्धवृद्धाहरुलाई २०६१ सालदेखि यस वृद्धाश्रमले पालननपोषण र आश्रय दिँदै आएको छ । हाल यहाँ चार वृद्ध र १९ वृद्धा रहेका छन् ।
वृद्धाश्रमकी सञ्चालिका सरला पन्थीले दाताहरुको पर्याप्त सहयोग प्राप्त हुन नसक्दा वृद्धाश्रमको भौतिक सुधार तथा वृद्धवृद्धाहरुलाई सुविधा दिन कठिनाइ भएको गुनासो गर्नुभयो । रासस