काठमाडौ, ५ माघ । अख्तियार दुरुपयोग अनुसन्धान आयोगका आयुक्त केशव बरालको पदावधि विवादलाई सर्वोच्च अदालतले संवैधानिक इजलासमा पठाउने भएको छ ।
न्यायाधीश सुशीला कार्की र देवेन्द्रगोपाल श्रेष्ठको संयुक्त इजलासले संविधानसँग सम्बन्धित विषय भएकाले संवैधानिक इजलासमा पठाउने भएको हो ।
आयुक्त बरालले आफूले शपथग्रहण गरेको दिनबाटै आफ्नो कार्यकाल गणना हुनुपर्र्ने माग गर्दै सर्वोच्चमा रिट दायर गर्नुभएको थियो ।
आयुक्त बरालले २०६६ साल माघ ५ गते अख्तियारको आयुक्त नियुक्त हुनुभएको थियो, तर पदभार ग्रहण भने चार वर्षपछि २०७० साल पुस २५ गते मात्र गर्नुुभएको थियो । रासस
No comments:
Post a Comment