तिलोत्तमा (रुपन्देही), १६ फागुन । उपप्रधानमन्त्री तथा ऊर्जामन्त्री टोपबहादुर रायमाझीले ऊर्जा सङ्कट अन्त्य गर्न सरकारले सबै विधि अपनाइरहेको बताउनुभएको छ ।
अखिल क्रान्तिकारी बुटवल बहुमुखी क्याम्पसले आज बुटवलमा आयोजना गरेको कार्यक्रममा उहाँले लामो सयम विद्युत् कटौटी गर्दा आमनागरिक र उद्योगी व्यवसायी मर्कामा परेकाले विद्युत्भार कटौती न्यूनीकरण गर्न सरकार गम्भीर रहेको बताउनुभयो ।
उपप्रधानमन्त्री रायमाझीले एक वर्षभित्र नेपाललाई विद्युत्भार कटौतीमुक्त गराउने गरी नयाँ योजना अघि बढाइएको उल्लेख गर्नुभयो । हाल ६०० मेगावाट विद्युत् उपलब्ध भइरहेको र न्यूनतम् एक हजार ५०० मेगावाट विद्युत् उत्पादन भए नेपाललाई विद्युत्भार कटौतीमुक्त बनाउन सकिने उहाँको भनाइ थियो ।
एक अर्को प्रसङ्गमा एकीकृत नेकपा (माओवादी)का सचिवसमेत रहनुभएका उहाँले मुलुक अहिले एमाओवादीकै एजेण्डामा चलेको बताउँदै नयाँ शक्तिका संयोजक डा बाबुराम भट्टराईले माक्र्सवाद त्यागेर ठूलो भूल गरेको उल्लेख गर्नुभयो ।
यसैबीच, रुपन्देहीकै सैनामैना नगरपालिकास्थित सैनामैना उमाविको ४२औँ वार्षिकोत्सव उद्घाटन गर्दै उपप्रधानमन्त्री रायमाझीले शिक्षा पद्धति पुरानै ढर्राको हुँदा शैक्षिक संस्था बेरोजगार उत्पादन गर्ने ठाउँ जस्तै भएको उल्लेख गर्नुभयो । रासस
No comments:
Post a Comment