प्रजातन्त्र दिवसका अवसरमा रक्तदान

काठमाडौँ, ७ फागुन । प्रजातन्त्र दिवसका अवसरमा २००७ सालको प्रजातान्त्रिक आन्दोलनका योद्धा रामप्रसाद राईको स्मृतिमा रामप्रसाद राई फाउन्डेसनले आयोजना गरेको रक्तदान कार्यक्रममा ४५ जनाले रक्तदान गरेका छन् ।
यसअघि सो फाउन्डेसनले भूकम्पका बेला भूकम्प प्रभावित क्षेत्रमा राहत सामग्री वितरण गरेको थियो । फाउन्डेसनका उपाध्यक्ष उमेश थापाका अनुसार फाउन्डेसनले भूकम्प प्रभावित करिव साढे दुई सय परिवारलाई रु १० लाख बराबरको सामग्री वितरण गरेको थियो । रासस