काठमाडौँ, ७ फागुन । राष्ट्रिय समाचार समिति (रासस) ले आफ्नो ५५ औँ वार्षिकोत्सवका अवसरमा २० वर्ष अविच्छिन्न रुपमा सेवा पूरा गर्ने पाँचजना कर्मचारीलाई दीर्घ सेवा सम्मान, पुरस्कार तथा प्रसंशापत्र प्रदान गरेको छ ।
दीर्घसेवा सम्मान प्राप्त गर्नुहुने पाँच कर्मचारीहरुमा वरिष्ठ कार्यकारी सम्पादकहरु सोमनाथ लामिछाने, श्यामप्रसाद रिमाल र तीर्थप्रसाद भट्टराई, वरिष्ठ समाचारदाता नारायणप्रसाद न्यौपाने र सह–समाचारदाता गौतमबुद्ध बज्राचार्य रहनुभएको छ । उहाँहरुलाई सूचना तथा सञ्चारमन्त्री शेरधन राइले सम्मान तथा पदक प्रदान गर्नुभएको हो ।
त्यस्तै, नेपाल पत्रकार महासङ्घ रासस शाखाका तर्फबाट प्रदान गरिने रासस पत्रकारिता पुरस्कार कार्यकारी समाचारदाता तथा व्यवस्थापक उत्तम सिलवाल र वरिष्ठ समाचारदाता राजाराम कार्कीलाई प्रदान गरियो । पुरस्कारको राशि जनही रु १० हजार र प्रमाणपत्र रहेको छ ।
सम्मानित हुने अग्रज पत्रकारमा राससका सेवा निवृत वरिष्ठ पत्रकार गङगाकृष्ण थापालाई मन्त्री राईले विशेष सम्मान गर्नुभयो ।
महासङ्घबाटै प्रदान गरिने उमादेवी, गीतादेवी–चन्द्रमणि पुरस्कार रु पाँचहजार राशि र प्रमाणपत्रसहित रासस धादिङका स्थानीय समाचारदाता सीताराम अधिकारीलाई प्रदान गरियो । सो पुरस्कार रासस राप्ती अञ्चल समाचारादाता नारायणी रजौरेले आफ्नो माता, पिता र भाइका स्मृतिमा स्थापना गर्नुभएको हो ।
त्यस्तै, उत्कृष्ट जिल्ला समाचारदातातर्फ पूवाञ्चलबाट सन्तोष पुर्कुटी (ताप्लेजुङ), मध्यमाञ्चलबाट नारायणप्रसाद ढुङ्गाना (चिवतन), काठमाडौँ उपत्यकाबाट दीपेन्द्रसागर सापकोटा (काठमाडौँ), पश्चिमाञ्चलबाट गोपाल छन्त्याल (मुस्ताङ), मध्यपश्चिमाञ्चलबाट हेमन्त केसी (जाजरकोट) र सुदूरपश्चिमाञ्चलबाट बिनोद सिंह विष्ट (बैतडी) ले पुरस्कार प्राप्त गर्नुभयो । उहाँहरूलाई जनही रु पाँच हजार नगदसहित प्रमाणपत्र राससका अध्यक्ष कुलचन्द्र वाग्ले र महापबन्धक निर्मला आचार्यले प्रदान गर्नुभयो ।
यस्तै उत्कृष्ट आलेखतर्फ ‘अलैँची खेती देशभर फैलदै’ नामक आलेखमा सिबी अधिकारी (काठमाडाँैं) र ‘हलो जोत्ने पौरखी महिलाको गाउँ खैरेनी’ नामक आलेखमा चन्द्रकला भण्डारी (काकडभिट्टा, झापा) लाई जनही रु पाँच हजारसहित प्रमाणपत्र प्रदान गरियो ।
रासस कर्मचारी सङ्घको तर्फबाट प्रदान गरिएको वासु रिमाल यात्री पुरस्कार रासस वरिष्ठ सहायक धु्रवभक्त श्रेष्ठ र कार्यालय सहयोगी अनिता पोडेलाई रु पाँचहजार एकसहित प्रमानपत्र प्रदान गरिएको छ ।
नेपाल राष्ट्रिय कर्मचारी सङ्गठन, रासस शाखाद्वारा स्थापित आदित्यध्वज जोशी स्मृति पुरस्कारबाट रासस केन्द्रीय कार्यालयमा कार्यरत वरिष्ठ सहायक रामभगत बुढाथोकी र पोखरा कार्यालयका श्रेणीबिहीन कार्यालय सहयोगी मंगलबहादुर जलहारीलाई प्रदान गरियो ।
पुरस्कारको राशि रु ५५०० नगदसहित प्रमाणपत्र राससका अध्यक्ष वाग्ले र महाप्रबन्धक महाप्रवन्धक आचार्यले संयुक्त रुपमा नगद पुरस्कारसहित प्रमाणपत्र प्रदान गर्नुभयो ।
त्यस्तै, भूकम्प प्रभावित क्षेत्रका सक्रिय समाचारदातालाई पुरस्कार प्रदान गरिएको छ । उक्त पुरस्कार पाउनेहरुमा रसुवाको स्थानीय समाचारदाता ज्ञानेन्द्रनाथ न्यौपाने, गोरखाका स्थानीय समाचारदाता प्रसन्न पोखरेल र दोलखाका स्थानीय समाचारदाता गोकर्ण भण्डारी रहनुभएको छ । उहाँहरुलाई जनही रु ५००० सूचना तथा सञ्चार मन्त्रालयका सचिव दिनेशकुमार थपलियाले प्रदान गनुभयो । रासस
No comments:
Post a Comment