गुवाहटी, (भारत), १ फागुन । जारी १२ आँैं दक्षिण एसियाली खेलकुद (साग) अन्तर्गतको ट्रायथोलनतर्फ नेपालले आज कास्य पदक जितेको छ ।
पहिलो पल्ट समावेश भएको दक्षिण एसियाली खेलकुद(साफ)मा पौडी ७५० मि, साइक्लिङ २० किमी र दौड पाँच किमीको खेलमा रोजा केसीले सफलता हासिल गरेकी हुन् । उनले एक घन्टा १६ मिनेटको समय लगाइन् । नेपालकी अर्की प्रतिस्पर्धी यमकुमारी घले पाँचौंँ स्थानमा रहिन् । उनले एक घन्टा २० मिनेट २९ सेकेन्डमा सबै पूरा गरेकी थिइन् ।
सो खेलमा स्वर्ण र रजत भारतीयले जितेका थिए । पल्लवी रेतिवालले एक घन्टा ११ मिनेट ५७ सेकेन्डबाट स्वर्ण र पूजा चौरसियाले एक घन्टा १२ मिनेट ३६ सेकेन्डबाट रजत पदक जितेका थिए ।
पुरुषतर्फ नेपालका रुद्र कटवाल र टीकाराम थापा पुछारको दुई स्थान (पाँचौंँ र छैटाँैं) मा रहेका थिए । सो पदकसँगै नेपालले पाउने पदकको सङ्ख्या ३४ पुगेको छ । तीमध्ये एक स्वर्ण, १२ रजत र २१ कास्य नेपाललले जितेको छ । रासस
No comments:
Post a Comment