झापा, १७ फागुन । पूर्व–पश्चिम राजमार्गअन्तर्गत झापाको मेचीनगर नगरपालिकामा आज भएको सवारी दुर्घटनामा एक महिलाको मृत्यु भएको छ ।
मृत्यु हुनेमा मेचीनगर नगरपालिका–३ निवासी ४३ वर्षीय मैया मलाह रहेको जिल्ला प्रहरी कार्यालय झापाले जनाएको छ । सडक किनारमा पैदल हिँडिरहेकी उनलाई मे२प २९७९ नम्बरको मोटरसाइकलले ठक्कर दिँदा उनको घटनास्थलमा नै मृत्यु भएको जिल्ला प्रहरी कार्यालय झापाले जनाएको छ ।
महिलालाई ठक्कर दिने मोटरसाइकल र चालकलाई इलाका प्रहरी कार्यालय धुलावारीले नियन्त्रणमा लिएको छ । रासस
No comments:
Post a Comment