मधेसी मोर्चाले बिथोल्यो नगरपरिषद

सर्लाहीको नव घोषित बरहथवा नगरपालिकाको आज तय गरिएको पहिलो नगर परिषद मधेसी मोर्चाले बिथोलेको छ । सर्लाही क्षेत्र नं. ३ बाट निर्वाचित एमालेका सांसद हरि उप्रेतीलाई प्रमुख बनाएपछि मोर्चाका कार्यकर्ताले नगर परिषद् बिथोलेका हुन् । क्षेत्र नं.३ को एक मात्र नगरपालिकामा सोही क्षेत्रबाट निर्वाचित सांसदलाई मधेश बिरोधी दलका नेता भन्दै मोर्चाले नगर परिषदको अतिथि मान्य नहुने भन्दै बिरोध गरेपछि परिषद् स्थगित भएको छ । नेकपा एमाले र मधेशी मोर्चाबीचको बिवादले आजका लागि तयारी गरिएको नगर परिषद भोली गर्ने सहमति भएको बरहथवा नगरपालिकाका कार्यकारी अधिकृत राधेश्याम गिरीले बताउनुभयो । राजनीतिक दलबाट अतिथि बनाउदा बिवाद हुने भएपछि नगरपालिकाकै जेष्ठ नागरिकलाई अतिथि बनाएर भोली बिहान ११ बजे नगर परिषद उदघाटन गराउने सहमति भएको छ ।