एसएलसीको तयारी पुरा, यस वर्ष पनि छात्रा बढी

यो वर्षको एसएलसी परीक्षाको तयारी पुरा भएको परीक्षा नियन्त्रण कार्यालयले जनाएको छ । पर्सीदेखि एसएलसी परीक्षा शुरु हुँदैछ । कार्यालयका अनुसार यो वर्ष ६ लाख १५ हजार ५ सय ५३ परीक्षार्थीले परीक्षा दिंदैछन् । परीक्षार्थी मध्ये यो वर्ष पनि छात्राको संख्या बढी रहेको छ । परीक्षा नियन्त्रक कृष्णप्रसाद काप्रीका अनुसार यो वर्ष छात्रको तुलनामा २ हजार १ सय ८९ ले छात्राको संख्या धेरै छ । अघिल्लो वर्ष पनि एसएलसी दिने छात्रा बढी थिए । यो वर्ष प्राविधिक तर्फ ३ हजार परीक्षार्थी रहेको पनि कार्यालयले जनाएको छ ।