शल्यक्रिया नभएपछि चन्द घर फिर्ता

काठमाडौँ, २९ चैत । हर्निया एवम् प्रोस्टेट ग्रन्थीसम्बन्धी उपचारका लागि आज बल्खुस्थित वयोधा अस्पताल जानुभएका राष्ट्रिय प्रजातन्त्र पार्टीका अध्यक्ष लोकेन्द्रबहादुर चन्द घर फर्कनुभएको छ ।
उपचारका लागि भर्नाको तयारी भएपनि चिकित्सकले आगामी वैशाख ११ गतेका लागि बोलाएकाले चन्द घर फर्कनुभएको उहाँको पारिवारिक स्रोतले जनाएको छ ।
पार्टीका प्रवक्ता ठाकुरप्रसाद शर्माले आज विज्ञप्ति जारी चन्दको भर्ना हुनुभएको जनाएपनि उहाँ फर्किसक्नुभएको परिवारले जनाएको छ । रासस