काठमाडौँ, ३ वैशाख । प्रधानमन्त्री केपी शर्मा ओलीले मुलुकमा देखिएका सबैखाले समस्या वार्ताको माध्यमबाटै समाधान खोज्न सकिने बताउनुभएको छ ।
चुरेभावर राष्ट्रिय एकता पार्टीले विगतका सरकारसँग भएको सहमति कार्यान्वयन र समसामयिक राजनीतिक विषयमा केन्द्रित रहेर आज प्रधानमन्त्री निवास बालुवाटारमा बुझाएको ज्ञापनपत्र ग्रहण गर्दै प्रधानमन्त्री ओलीले आन्दोलनरत दलका मागप्रति सरकार गम्भीर रहेको धारणा व्यक्त गर्नुभयो ।
ज्ञापनपत्र बुझाउन उक्त पार्टीका अध्यक्ष बद्रीप्रसाद न्यौपानेलगायत पार्टी पदाधिकारी बालुवाटार पुग्नुभएको थियो । रासस
No comments:
Post a Comment