काठमाडौँ, १४ वैशाख । एकीकृत नेकपा (माओवादी)का अध्यक्ष पुष्पकमल दाहालले खेलकुद क्षेत्रमार्फत मुलुकको प्रतिष्ठा अन्तर्राष्ट्रिय क्षेत्रमा फैलाउनुपर्नेमा जोड दिनुभएको छ ।
अखिल नेपाल खेलकुद महासङ्घद्वारा आयोजित स्वर्गीय लक्ष्मणशम्सेर थापा र पोष्टबहादुर बोगटीको स्मृतिमा आयोजित बक्सिङ टुनामेन्टको आज यहाँ उद्घाटन गर्दै उहाँले राजनीतिक आन्दोलनबाट स्थापित भएको मुलुकलाई खेलकुदको क्षेत्रबाट थप स्थापित गर्नुपर्ने बताउनुभयो ।
राजनीतिका निरस कार्यक्रमबीचबाट खेलकुद क्षेत्रमा सहभागी हुँदा त्यसले सहभागी, दर्शकमा हौसला प्रदान गर्ने, तथा राष्ट्रिय र अन्तर्राष्ट्रिय रुपमा स्थापित गर्ने भएकाले सरकार र सरोकार भएका पक्षले विशेष ध्यान दिनुपर्ने उल्लेख गर्नुभयो ।
नेपालमा हाल अरू सबै क्षेत्रभन्दा केही आशा गर्न सकिने र गर्व गर्न लायक क्षेत्र भनेकै खेलकुद भएकाले त्यसको संवद्र्धनमा लाग्नुपर्ने अध्यक्ष दाहालको जोड दिनुभयो । राजनीतिक विषयलाई राजनीतिमा र खेलकुदलाई खेलकुदकै रुपमा स्थापित गरेर राष्ट्रलाई एकताबद्ध बनाउन सबैको सार्थक प्रयत्नको खाँचो रहेको अध्यक्ष दाहालको जोड थियो ।
उहाँले खेलकुद क्षेत्रको उन्नयनका निम्ति खेलाडी, आयोजक र यसमा सहयोग गर्ने सबैलाई विशेष धन्यवाद दिँदै भन्नुभयो, “खेल क्षेत्रले नेपाललाई परिचित गर्ने र जनतामा आत्मअनुशासन पैदा गर्ने अभियान जारी रहोस्, एमाओवादीका तर्फबाट सार्थक सहयोग रहन्छ ।”
कार्यक्रममा उपप्रधानमनत्री एवम् ऊर्जामन्त्री टोपबहादुर रायमाझीले मुलुकको खेलकुद क्षेत्रको विकासमा सरकार लागिपरेको बताउनुभयो । प्रतियोगिता तीन दिनसम्म चल्ने आयोजकले जनाएको छ । रासस
No comments:
Post a Comment