भूकम्पसम्बन्धी चित्रकला प्रदर्शनीमा

काठमाडौँ, १८ वैशाख । भूकम्पको बेला घटनास्थलमै गएर चार कलाकारले तयार पारेको चित्रकला समेटेर स्थानीय वसन्तपुर क्षेत्रमा प्रदर्शनी सुरु गरिएको छ ।

ललितकला क्याम्पसको स्नातक तहका चौथो वर्षका विद्यार्थी रहेका उनीहरुले भूकम्पलगत्तै उपत्यकाका विभिन्न स्थान तथा पछि भूकम्पको केन्द्र गोरखाको बारपाक र सिन्धुपाल्चोक पुगेर त्यहाँको प्रत्यक्ष चित्रकला तयार पारेका थिए ।
चित्रकलाको माध्यमबाट समाज परिवर्तन गराँैं भने नारासहित कलाकार पल साउद, बिगुल ढकाल, प्रवीण श्रेष्ठ, आकाश बुढा ऐरले ‘पासापीँ’(साथीहरु) समूह गठन गरेर भूकम्पपछि तीन महिना विभिन्न स्थानमा गएर प्रत्यक्ष चित्रकला तयार पारेका हुन् ।

आजदेखि सुरु भएको चित्रकला तीन दिनसम्म वसन्तपुर क्षेत्रमा प्रदर्शनी गरिने छ । प्रदर्शनीमा दुई सय चित्रकला राखिएका छन् । भूकम्पले पु¥याएको क्षतिलाई चित्रकलाका माध्यमबाट जनतासम्म पु¥याउने र पुनःनिर्माणलाई तीव्रता दिन सरकारलाई दबाब दिने उद्देश्य सहित चित्रकला प्रदर्शनी गरिएको कलाकार साउदको भनाइ छ । रासस