कामु प्रधानसेनापतिद्वारा निरीक्षण सुरु

काठमाडौँ, १८ वैशाख । कामु प्रधानसेनापति वलदेवराज महतले आज पूर्वी पृतना हेडक्वाटरअन्तरर्गत बाहिनी, गण तथा गुल्महरुको निरीक्षण भ्रमण सुरु गर्नुभएको छ ।

भ्रमणका क्रममा उहाँले ताप्लेजुङस्थित श्री नयाँ रणभिम गुल्म, भोजपुरस्थित श्री रणवम गण, झापा जिल्लाको चुलाचुलीस्थित श्री नं।२१ बाहिनी अड्डा, तथा चारआलीस्थित श्री काली बहादुर गणको निरीक्षण भ्रमण गर्नुहुने सैनिक जनसम्पर्क निर्देशनालयले जनाएको छ ।

निरीक्षणका क्रममा उहाँले उक्त बाहिनी अड्डा, गण तथा गुल्मको हालको वस्तुस्थितिलगायत बन्दोबस्ती, तालिम एवम् अन्य विविध पक्षबारे जानकारी लिनुहुनेछ । रासस