कञ्चनपुर, २० चैत । एनेकपा (माओवादी) सम्बद्ध अखिल नेपाल महिला सङ्घ (क्रान्तिकारी)को छैठौँ कञ्चनपुर जिल्ला सम्मेलनले सत्यदेवी महराको अध्यक्षतामा आज ३७ सदस्यीय कार्यसमिति चयन गरेको छ ।
समितिको उपाध्यक्षमा शर्मिला थापा र चन्द्रा खड्का, सचिवमा यशोदा ताम्राकार, सहसचिवमा सुनिता चौधरी र पवित्रा राना चयन हुनुभएको छ ।
कार्यक्रममा प्रमुख अतिथि अखिल नेपाल महिला सङ्घ क्रान्तिकारी केन्द्रीय सचिवालय सदस्य तथा ७ नं प्रदेश इन्चार्ज रेणु चन्दले संविधानले दिएको अधिकार प्रयोग गर्न महिलाले स्थानीयस्तरबाटै लड्नुपर्ने बताउनुभयो ।
स्थानीय निर्वाचनमा ४० प्रतिशत महिला प्रतिनिधिलाई जिताउन आजैदेखि लाग्नुपर्ने उहाँले बताउनुभयो ।
कार्यक्रमका विशिष्ट अतिथि एनेकपा (माओवादी), कञ्चनपुरका अध्यक्ष टेकेन्द्रप्रसाद भट्टले महिलालाई औचित्यहीन र भूमिकाविहीन बनाउनेका विरुद्ध अभियान सञ्चालन गर्नुपर्ने बताउनुभयो ।
महिलालाई प्रमुख भूमिकामा ल्याउने सवालमा माओवादीे पार्टीको महत्वपूर्ण भूमिका रहने र नीति निर्माण तहमा पु¥याउन कञ्चनपुर जिल्ला पार्टीले महत्वपूर्ण भूमिका खेल्ने धारणा उहाँले राख्नुभयो ।
जिल्ला सम्मेलनले नयाँ कार्यसमिति गठन गर्दै आगामी कार्ययोजनासमेत तयार पारेको छ । रासस
No comments:
Post a Comment