ढुङ्गाले लागेर मृत्यु

सल्यान, २४ वैशाख । यहाँ ढुङ्गाले लागेर आज एक वृद्धको मृत्यु भएको छ ।
सारपानी गर्पा–२ धनठानाका ७५ वर्षीय जगतबहादुर घर्तीको सोही गाविसको झाँक्रीपँधेरामा मोटरबाटो खन्ने क्रममा बाटो छेउमा राखिएको ढुङ्गा करिब २०० मि तल हिँडिरहेका बखत लाग्दा मृत्यु भएको इलाका प्रहरी कार्यालय कपुरकोटका इन्चार्ज झङ्कबहादुर कुँवरले जानकारी दिनुभयो । मृतकको शव परीक्षणका लागि जिल्ला अस्पताल सल्यान ल्याइएको छ । रासस