काठमाडौँ, ४ जेठ । गृहमन्त्री शक्तिबहादुर बस्नेतले कर्णालीका नागरिकको स्वास्थ्य आवश्यकताले कर्णाली स्वास्थ्य विज्ञान प्रतिष्ठानको स्थापना गरिएको बताउनुभएको छ ।
कर्णाली स्वास्थ्य विज्ञान प्रतिष्ठानले आज यहाँ आयोजना गरेको ‘पिछडिएको क्षेत्रमा एमबिबिएसलगायतका शैक्षिक कार्यक्रम सञ्चालनका लागि सम्भावना र चुनौती’ विषयक अन्तक्र्रियामा मन्त्री बस्नेतले उक्त प्रतिष्ठानलाई आवश्यक पर्ने सबै साधन स्रोत सरकारले पूरा गर्ने बताउनुभयो ।
उहाँले जुम्ला जस्तो अति विकट ठाउँमा स्थानपना भएको कर्णाली स्वास्थ्य विज्ञान प्रतिष्ठान अहिलेको अवस्थामा आइपुग्नु ठूलो सफलता भएको विचार व्यक्त गर्दै प्रतिष्ठानलाई संसारकै सुन्दर र प्रतिष्ठित बनाउन आफू निरन्तर लागिरहने प्रतिबद्धता व्यक्त गर्नुभयो ।
कार्यक्रममा खानेपानी तथा सरसफाइ मन्त्री प्रेमबहादुर सिंहले प्रतिष्ठानलाई लक्ष्यमा पु¥याउन साझा पहल हुनुपर्नेमा जोड दिँदै कर्णाली क्षेत्र जस्तो पिछडिएको ठाउँमा स्थापना भएको प्रतिष्ठानलाई अगाडि बढाउन सरकारको तर्फबाट कुनै कसर बाँकी नराख्ने र आवश्यक नीति बनाउन आफूले मन्त्रिपरिषद्मा प्रस्ताव लैजाने बताउनुभयो ।
‘कार्यक्रम कर्णाली स्वास्थ्य विज्ञान प्रतिष्ठानका उपकुलपति पारस आचार्यले एमबिबिएस अध्ययनका लागि सम्भावना र चुनौती’ विषयक कार्यपत्र प्रस्तुत गर्दै प्रतिष्ठानलाई लक्ष्यमा पु¥याउनसकेमा कर्णालीका नागरिकको सरदर आयु वृद्धि हुने जानकारी दिनुभयो ।
प्रतिष्ठानका शिक्षाध्यक्ष डा धर्मराज श्रेष्ठ, रजिस्ट्रार श्याम लम्सालले, सोही प्रतिष्ठान निर्देशक डा जावेद खानलगायतले प्रतिष्ठानले हाल सञ्चालन गरिरहेको शैक्षिक कार्यक्रमबारे जानकारी गराउँदै स्थापनाकालदेखि अहिलेसम्मका गतिविधि तथा एमबिबिएस कार्यक्रम सञ्चालन गर्न लागिएको बताउनुभयो । रासस
No comments:
Post a Comment