काठमाडौँ, २९ वैशाख । राष्ट्रिय प्रहरी प्रशिक्षण प्रतिष्ठान महाराजगन्जको हाताभित्र निर्माण गरिएको बहुउद्देश्यीय ‘शिरीष हल’को आज गृहमन्त्री शक्तिबहादुर बस्नेतले उद्घाटन गर्नुभयो ।
उक्त भवन रु ४४ लाख तीन हजार ५४५ को लागतमा निर्माण भएको हो ।
कार्यक्रममा गृहमन्त्री बस्नेतले १२औँ दक्षिण एसियाली खेलकुद प्रतियोगितामा नेपाल प्रहरीकातर्फबाट विभिन्न खेलमा सहभागी भई रजत तथा कास्य पदक जित्ने खेलाडीलाई नगद पुरस्कारसमेत प्रदान गर्नुभयो ।
उहाँले प्रहरी प्रधान कार्यालयको २०७३ वैशाख ७ गतेको निर्णयानुसार राष्ट्रिय तथा अन्तर्राष्ट्रिय क्षेत्रमा फुटबल खेलमा उत्कृष्ट खेल प्रदर्शन गरी राष्ट्र र नेपाल प्रहरीको छवि उच्च राखी विशेष योगदान पु¥याएबापत प्रहरी सहायक निरीक्षक पदमा बढुवा भएका रविन श्रेष्ठलाई दज्र्यानी चिह्नबाट सुशोभन गर्नुभयो ।
कार्यक्रममा गृहमन्त्री बस्नेतले खेलमार्फत नेपाल प्रहरीले प्राप्त गरेको उपलब्धि गौरव गर्न लायक रहको बताउनुहँुदै सामूहिक भावना, अनुशासन, उद्देश्य प्राप्तिप्रति सर्मपण भावजस्ता साझा विषेशता प्रहरी सङ्गठन र खेल दुवैमा हुने भएकाले दुवै एक अर्काको परिपूरकका रुपमा रहेको धारणा राख्नुभयो ।
कार्यक्रममा आत्मरक्षा कलाअन्तर्गत प्रहरीका खेलाडीले जुडो, कराँते, तेक्वान्दो प्रदर्शन गरेका थिए । रासस
No comments:
Post a Comment