काठमाडौँ, १६ असार । नेकपा(एमाले) प्रचार तथा प्रकाशन विभागका सचिवमा ‘बुधबार’ साप्ताहिकका सम्पादन सल्लाहकार तथा ‘पहिलोन्युज डटकम’का सम्पादक विष्णु रिजाल विजयी हुनुभएको छ ।
एमालेको विसं २०७१मा यहाँ भएको नवौँ अधिवेशनपछि गठित विभागहरुमा पहिलो चोटि सचिव पदमा निर्वाचन भएको हो । दलको धूम्रबाराहीस्थित केन्द्रीय कार्यालयमा आज अपराह्न भएको निर्वाचनमा रिजालले १४ र प्रतिद्वन्द्वी प्रेस चौतारी नेपालका पूर्वअध्यक्ष गगन विष्टले नौ मत ल्याउनुभएको थियो ।
कुल २५ सदस्यमध्ये विभाग प्रमुख योगेश भट्टराई र उपप्रमुख सूर्य थापाले भने मतदान गर्नुभएन । आजै विभागका केही सदस्यको कार्यविभाजन गरिएको बताइएको छ । रासस
No comments:
Post a Comment