धुन्चे (रसुवा), १६ असार । नेपाल चीनको उत्तरी नाका रसुवगढीमा पहिरो आउन थालेपछि व्यापार व्यवसाय कठिन भएको छ ।
चीनको केरुङबाट सामान आयात गर्ने व्यवसायी धर्मलाल श्रेष्ठका अनुसार रसुवागढी इलाकामा पहिरो आउन थालेपछि सामान आयातमा कठिन भएको छ ।
ट्राफिक प्रहरीका प्रमुख नवराज खड्काका अनुसार पहिरोबाट तीन दिनको अन्तरालमा ३१ वटा कन्टेनरमा क्षति पुगेका छन् । “कतिखेर ढुङ्गा झर्छ यकिन छैन”–व्यवसायी श्रेष्ठले भन्नुभयो ।
यही असार १४ गतेको अविरल वर्षासँगै आएको पहिरोले अवरुद्ध बनाएको रसुवागढी क्षेत्रको सडक खुला गरिएको भए पनि छिनछिनमा भीरबाट ढुङ्गा झर्ने क्रम नरोकिएको ट्राफिक प्रहरीले बताएको छ । रासस
No comments:
Post a Comment