इटहरी, २० जेठ । वरिष्ठ शास्त्रीय गायक एवम् सङ्गीतकार भोलाप्रसाद राईको एकल गायन आज इटहरीमा प्रस्तुत गरिएको छ ।
लामो समयदेखि सुनसरीमा रहेर शास्त्रीय सङ्गीत तथा गायन क्षेत्रमा अध्यापन गराउँदै आउनुभएका शास्त्रीय गायक एवम् सङ्गीतकार राईले दर्जनौ ख्यातीप्राप्त गीतमा सङ्गीत भरिसक्नुभएको छ ।
शिवसती सरगम साङगीतिक त्रिवेणी नाम दिइएको सो कार्यक्रममा राईले राग तोडी बोलको शास्त्रीय गीतबाट आफ्नो एकल गायन शुभारम्भ गर्नुभएको थियो ।
राईलाई जनार्दन मण्डल, शैलेन्द्र विश्वकर्मा, प्रमोद मोक्तान, हेमकुमारी नेपाललगायतले बाध्यबादनमा सघाउनुभएको थियो । सोही अवसरमा गायक भोलाप्रसाद राई, कुशेश्वर राई पदमप्रसाद श्रेष्ठ(भान्जाबाबु)लाई सम्मान गरिएको थियो । रासस
No comments:
Post a Comment