काठमाडौँ, १६ असार । अख्तियार दुरुपयोग अनुसन्धान आयोगले नक्कली शैक्षिक योग्यताको प्रमाणपत्र पेस गरीशिक्षकको नियुक्त लिएको अभियोगमा मोरङका एक शिक्षकविरुद्ध आज विशेष अदालतमा मुद्दा दायर गरेको छ ।
काली उमावि डाँगीहाट मोरङमा निमावि तहमा कार्यरत शिक्षक तर्पणलाल राजवंशीको शैक्षिक योग्यताको प्रमाणपत्र नक्कली रहेको अनुसन्धानका क्रममा पाइएको हो । आयोगकाअनुसार शिक्षक राजवंशीले पेस गरेको विहार इन्टरमिडियट एजुकेसन काउन्सिल, भारतबाट सन् १९९२ मा आइकम उतीर्ण गरेको भनिएको शैक्षिक योग्यताको प्रमाणपत्र नक्कली रहेको पाइएको हो ।
आयोगले नक्कली शैक्षिक योग्यताको प्रमाणपत्र पेस गर्नेविरुद्ध हदैसम्मको कारबाहीको माग गरेको छ । रासस
No comments:
Post a Comment